ഓസ്ട്രേലിയയ്ക്കെതിരെ നാഗ്പൂര്‍ ടെസ്റ്റിൽ ഇന്ത്യയുടെ സ്പിന്നര്‍മാരുടെ തേരോട്ടം. മത്സരത്തിന്റെ ഒന്നാം ദിവസത്തെ രണ്ടാം സെഷനിൽ വീണ 6 വിക്കറ്റുകളും സ്പിന്നര്‍മാരാണ് നേടിയത്. രവീന്ദ്ര ജഡേജ നാലും അശ്വിന് രണ്ടും വിക്കറ്റ് നേടിയപ്പോള്‍ ടീ ബ്രേക്കിന് പിരിയുമ്പോള്‍ ഓസ്ട്രേലിയ 174/8 എന്ന നിലയിലാണ്.
29 റൺസ് നേടിയ പീറ്റര്‍ ഹാന്‍ഡ്സ്കോമ്പിന് കൂട്ടായി റണ്ണെടുക്കാതെ നഥാന്‍ ലയൺ ആണ് ക്രീസിൽ. 49 റൺസ് നേടിയ മാര്‍നസ് ലാബൂഷാനെ ആണ് ടീമിന്റെ ടോപ് സ്കോറര്‍. സ്റ്റീവന്‍ സ്മിത്ത് 37 റൺസ് നേടിയപ്പോള്‍ അലക്സ് കാറെ വെറും 33 പന്തിൽ 36 റൺസ് നേടി പുറത്തായി.
കാറെയെ പുറത്താക്കി അശ്വിന് തന്റെ 450ാമത്തെ ടെസ്റ്റ് വിക്കറ്റെന്ന് നേട്ടം സ്വന്തമാക്കുകയായിരുന്നു.
