ഇന്ത്യൻ ക്രിക്കറ്റിന് ഒരു ചരിത്ര നിമിഷത്തിൽ, അന്താരാഷ്ട്ര ക്രിക്കറ്റിൽ 5000 റൺസും 500 വിക്കറ്റും നേടുക എന്ന അവിശ്വസനീയമായ നേട്ടം ജഡേജ കൈവരിച്ചു. ഈ നേട്ടം സ്വന്തമാക്കുന്ന രണ്ടാമത്തെ ഇന്ത്യൻ ക്രിക്കറ്ററായി രവീന്ദ്ര ജഡേജ മാറി. ഈ ശ്രദ്ധേയമായ നാഴികക്കല്ല് നേടിയ മറ്റൊരു ഇന്ത്യക്കാരൻ ഇതിഹാസ താരം കപിൽ ദേവ് ആണ്.
ബോർഡർ ഗവാസ്കർ ട്രോഫിയിലെ മൂന്നാം ടെസ്റ്റിന്റെ ആദ്യ ദിനത്തിൽ ട്രാവിസ് ഹെഡിന്റെ വിക്കറ്റ് വീഴ്ത്തി ആണ് ജഡേജ ഈ നാഴികക്കല്ല് പിന്നിട്ടത്. ജഡേജയുടെ അസാമാന്യമായ ഓൾറൗണ്ട് കഴിവുകളുടെ തെളിവാണ് ഈ നേട്ടം. ഇപ്പോൾ ടെസ്റ്റ് ഓൾ റൗണ്ടർമാരിൽ റാങ്കിംഗിൽ ഒന്നാമതാണ് ജഡേജ.
