ടെസ്റ്റ് ക്രിക്കറ്റില്‍ മുന്നൂറ് വിക്കറ്റ് നേട്ടം കുറിച്ച് ഇഷാന്ത് ശര്‍മ്മ. ഇന്ത്യയ്ക്ക് വേണ്ടി 300 ടെസ്റ്റ് വിക്കറ്റെന്ന നേട്ടം കുറിയ്ക്കുന്ന മൂന്നാമത്തെ പേസര്‍ ആണ് ഇഷാന്ത് ശര്‍മ്മ. 98 ടെസ്റ്റ് മത്സരങ്ങളില്‍ നിന്നാണ് ഈ നേട്ടം ഇഷാന്ത് നേടിയത്. ഇംഗ്ലണ്ടിന്റെ ഡാനിയേല്‍ ലോറന്‍സിനെ വിക്കറ്റിന് മുന്നില്‍ കുടുക്കിയാണ് ഇഷാന്തിന്റെ ഈ നേട്ടം.
കപില്‍ ദേവ്(434), സഹീര്‍ ഖാന്‍(311) എന്നിവരാണ് 300ന് മേല്‍ വിക്കറ്റുള്ള മറ്റു ഇന്ത്യന്‍ പേസര്‍മാര്‍. അനില്‍ കുംബ്ലെ(619), ഹര്‍ഭജന്‍ സിംഗ്(417), രവിചന്ദ്രന്‍ അശ്വിന്‍(382) എന്നിവരാണ് ഇഷാന്തിനെക്കാളും അധികം വിക്കറ്റ് നേടിയ മറ്റു ഇന്ത്യന്‍ താരങ്ങള്‍.
