ഓപ്പണറെന്ന നിലയില്‍ ടീമിനെ ലക്ഷ്യത്തിലെത്തിയ്ക്കുക എന്നതാണ് തന്റെ ദൗത്യം – ശുഭ്മന്‍ ഗില്‍

Morgangill
- Advertisement -

ഓപ്പണറെന്ന റോളില്‍ തന്റെ ലക്ഷ്യം ടീമിനെ വിജയത്തിലേക്ക് നയിക്കുക എന്നതാണെന്ന് പറഞ്ഞ് ശുഭ്മന്‍ ഗില്‍. ഇന്നിംഗ്സ് മുഴുവന്‍ നിലകൊള്ളേണ്ട ആവശ്യമുണ്ടെങ്കില്‍ അത് ചെയ്യുക എന്നതായിരുന്നു താന്‍ ഉന്നംവെച്ച കാര്യമെന്ന് ഗില്‍ പറഞ്ഞു. പന്ത് അധികം സ്പിന്‍ ചെയ്യാത്തോണ്ട് ലോംഗ് ഓണ്‍ -ലോംഗ് ഓഫ് എന്നിടങ്ങളിലേക്ക് പന്ത് അടിക്കുവാന്‍ എളുപ്പമായിരുന്നുവെന്നും ഗില്‍ സൂചിപ്പിച്ചു.

താനും ഓയിന്‍ മോര്‍ഗനുമായി വലിയ ചര്‍ച്ചകളൊന്നും ഉണ്ടായിരുന്നില്ലെന്നും ബൗളര്‍മാര്‍ എന്ത് ചെയ്തേക്കാം ഈ സാഹചര്യത്തില്‍ എന്ന് മാത്രമാണ് തങ്ങള്‍ ശ്രദ്ധിച്ചതെന്നും ശുഭ്മന്‍ ഗില്‍ വ്യക്തമാക്കി. ഈ വിജയം ടീമിന് ഏറെ അനിവാര്യമായിരുന്നുവെന്നും ബൗളര്‍മാരുടെ പ്രകടനത്തിന് ശേഷം ബാറ്റ്സ്മാന്മാര്‍ അവസരത്തിനൊത്തുയര്‍ന്നുവെന്നുമാണ് കരുതുന്നതെന്ന് ഗില്‍ പറഞ്ഞു.

Advertisement