സിക്സിൽ ഇരട്ട സെഞ്ച്വറി, ധോണിക്ക് പിറകെ രോഹിത്!!

20200923 205501
- Advertisement -

സിക്സടിക്കുന്നതിൽ രോഹിത് ശർമ്മയെ കഴിഞ്ഞെ അടുത്ത കാലത്തായി ആരുമുള്ളൂ. അത്ര അനായസമായി സിക്സടിക്കുന്ന മുംബൈ ക്യാപ്റ്റൻ ഇന്ന് ഐ പി എല്ലിൽ ഒരു നാഴികകല്ല് കൂടെ പിന്നിട്ടിരിക്കുകയാണ്. ഇന്ന് കൊൽക്കത്ത നൈറ്റ് റൈഡേഴ്സിന് എതിരായ സിക്സുകളോടെ ഐ പി എല്ലിൽ 200 സിക്സുകൾ എന്ന റെക്കോർഡിൽ രോഹിത് ശർമ്മ എത്തി. ഐ പി എല്ലിൽ 200 സിക്സ് അടിക്കുന്ന നാലാമത്തെ താരം മാത്രമാണ് രോഹിത്.

ഇന്ത്യൻ താരങ്ങളിൽ രണ്ടാമതും. ഇതിനു മുമ്പ് മഹേന്ദ്രസിംഗ് ധോണിയാണ് ഐ പി എല്ലിൽ 200 സിക്സ് അടിച്ചിട്ടുള്ള ഇന്ത്യക്കാരൻ. 212 സിക്സുകളുണ്ട് ഇപ്പോൾ ധോണിക്ക്. വെസ്റ്റിൻഡീസ് താരം ക്രിസ് ഗെയ്ലിനാണ് ഐ എസ് എല്ലിൽ ഏറ്റവും കൂടുതൽ സിക്സുകളുടെ റെക്കോർഡ്. 326 സിക്സുകൾ അടിച്ചിട്ടുള്ള ഗെയ്ല് ബഹുദൂരം മുന്നിലാണ്. 216 സിക്സുകൾ അടിച്ച ഡി വില്ലേഴ്സ് ആണ് സിക്സിൽ രണ്ടാമത് ഉള്ളത്. 190 മത്സരങ്ങളിൽ നിന്നാണ് രോഹിത് ശർമ്മ 200 സിക്സിൽ എത്തിയത്.

Advertisement