ഐ.പി.എല്ലിലെ മികച്ച പ്രകടനം തന്നെ ഇന്ത്യൻ ടീമിൽ തിരിച്ചെത്തിക്കുമെന്ന് ഉത്തപ്പ

- Advertisement -

ഇന്ത്യൻ പ്രീമിയർ ലീഗ് സീസണിൽ മികച്ച പ്രകടനം പുറത്തെടുത്താൽ ഇന്ത്യൻ ടീമിൽ തിരിച്ചെത്താൻ കഴിയുമെന്നാണ് തന്റെ പ്രതീക്ഷയെന്ന് രാജസ്ഥാൻ റോയൽസിന്റെ വിക്കറ്റ് കീപ്പർ റോബിൻ ഉത്തപ്പ. എപ്പോഴും പോസിറ്റീവായി ചിന്തിക്കുന്ന ഒരാളാണ് തന്ന് എന്നും ദൈവം സഹായിക്കുകയാണെങ്കിൽ ഇന്ത്യൻ പ്രീമിയർ ലീഗിൽ മികച്ച പ്രകടനം പുറത്തെടുത്ത് ഇന്ത്യൻ ടീമിൽ തിരിച്ചുവരാൻ കഴിയുമെന്നാണ് തന്റെ പ്രതീക്ഷയെന്ന് ഉത്തപ്പ പറഞ്ഞു. സോഷ്യൽ മീഡിയയിൽ രാജസ്ഥാൻ റോയൽസ് ആരാധകരുടെ ചോദ്യങ്ങൾക്ക് മറുപടി പറയുകയായിരുന്നു ഉത്തപ്പ.

ക്രിക്കറ്റ് കളിക്കുന്ന ഏതൊരു വ്യക്തിയുടെയും ആഗ്രഹം ഇന്ത്യയെ പ്രധിനിധികരിക്കുകയാണെന്നും തനിക്ക് അതിനും കഴിയുമെന്നാണ് തന്റെ പ്രതീക്ഷയെന്നും ഉത്തപ്പ പറഞ്ഞു. ഇന്ത്യക്ക് വേണ്ടി 46 ഏകദിന മത്സരങ്ങൾ കളിച്ച ഉത്തപ്പ ദീർഘകാലമായി ഇന്ത്യൻ ടീമിൽ നിന്ന് പുറത്താണ്. ഇന്ത്യൻ പ്രീമിയർ ലീഗിൽ കൊൽക്കത്ത നൈറ്റ് റൈഡേഴ്സിന്റെ കൂടെ രണ്ട് ഐ.പി.എൽ കിരീടവും താരം നേടിയിട്ടുണ്ട്.

Advertisement