അവസാന പന്ത് ധോണി മിസ്സാക്കുമെന്ന് പ്രതീക്ഷിച്ചതേയില്ല – പാര്‍ത്ഥിവ്

- Advertisement -

ചെന്നൈ സൂപ്പര്‍ കിംഗ്സിനെ തന്റെ ഡയറക്ട് ത്രോയിലൂടെ ഞെട്ടിച്ച പാര്‍ത്ഥിവ് പട്ടേല്‍ പറയുന്നത് താന്‍ ധോണി ആ അവസാന പന്ത് മിസ്സാക്കുമെന്ന് ഒരിക്കലും പ്രതീക്ഷിച്ചില്ലെന്നാണ്. ഉമേഷ് യാദവ് എറിഞ്ഞ അവസാന ഓവറില്‍ ജയിക്കുവാന്‍ 26 റണ്‍സ് വേണ്ടപ്പോള്‍ ആദ്യ അഞ്ച് പന്തില്‍ നിന്ന് 24 റണ്‍സാണ് നേടിയത്. അവസാന പന്തില്‍ ഉമേഷ് യാദവിന്റെ സ്ലോ ലെഗ് കട്ടര്‍ ധോണി മിസ്സാക്കുകയും പാര്‍ത്ഥിവ് പട്ടേല്‍ ഡയറക്ട് ത്രോയിലൂടെ ശര്‍ദ്ധുല്‍ താക്കൂറിനെ പുറത്താക്കുകയുമായിരുന്നു.

ധോണി ഓഫ് സൈഡിലേക്ക് അടിക്കണമെന്നായിരുന്നു ഞങ്ങളുടെയും ആഗ്രഹം, കാരണം ലെഗ് സൈഡില്‍ റണ്‍സ് അടിച്ചാല്‍ ധോണി തീര്‍ച്ചയായും ഡബിള്‍ ഓടിയെടുക്കുമെന്ന് ഉറപ്പായിരുന്നു. ആ സമയത്ത് ധോണി ബീറ്റണാവുമെന്ന് സത്യം പറഞ്ഞാല്‍ ഞാന്‍ പ്രതീക്ഷിച്ചിരുന്നില്ലെന്നും പാര്‍ത്ഥിവ് പറഞ്ഞു. അതിനാല്‍ തന്നെ ഉമേഷിനോട് ഓഫ് സ്റ്റംപിനു പുറത്ത് സ്ലോവര്‍ ബോള്‍ എറിയാനായിരുന്നു നിര്‍ദ്ദേശം. പക്ഷേ ആശ്ചര്യമെന്ന് പറയട്ടേ ആ പന്ത് ധോണി മിസ് ചെയ്യുകയായിരുന്നു, അത് താന്‍ ഒട്ടും പ്രതീക്ഷിച്ച കാര്യമല്ലെന്നും പാര്‍ത്ഥിവ് പട്ടേല്‍ പറഞ്ഞു.

Advertisement