ഹോട്ടല്‍ ക്വാറന്റീനിന് ശേഷം മിച്ചല്‍ മാര്‍ഷിന് ശസ്ത്രക്രിയ നടത്തിയേക്കും

Mitchell Marsh
- Advertisement -

സണ്‍റൈസേഴ്സ് ഹൈദ്രാബാദിന്റെ ആദ്യ മത്സരത്തില്‍ പരിക്കേറ്റ ഓസ്ട്രേലിയന്‍ ഓള്‍റൗണ്ടര്‍ മിച്ചല്‍ മാര്‍ഷിന് ശസ്ത്രക്രിയ വേണ്ടി വരുമോ ഇല്ലയോ എന്നതിനെ കുറിച്ചുള്ള തീരുമാനം താരത്തിന്റെ പെര്‍ത്തിലെ ഹോട്ടല്‍ ക്വാറന്റീന് ശേഷം തീരുമാനിക്കുമെന്നാണ് ലഭിയ്ക്കുന്ന വിവരം.

ഷെഫീല്‍ ഷീല്‍ഡില്‍ വെസ്റ്റേണ്‍ ഓസ്ട്രേലിയയുടെ ആദ്യത്തെ നാല് റൗണ്ട് മത്സരങ്ങള്‍ക്ക് മാര്‍ഷിനെ ടീമില്‍ ഉള്‍പ്പെടുത്തിയിട്ടില്ല. ഹോട്ടല്‍ ക്വാറന്റീന്‍ പൂര്‍ത്തിയാക്കിയ ശേഷം ഒക്ടോബര്‍ പത്തിനാവും മാര്‍ഷിന്റെ കണങ്കാലിന്റെ പരിശോധന നടത്തി ശസ്ത്രക്രിയ ആവശ്യമോ അതോ ശസ്ത്രക്രിയ ഇല്ലാതെയുള്ള സമീപനത്തിലൂടെ താരത്തിനെ തിരികെ കളത്തിലെത്തിക്കാനാകുമോ എന്നത് പരിശോധിക്കുമെന്ന് ആണ് വെസ്റ്റേണ്‍ ഓസ്ട്രേലിയ ക്രിക്കറ്റ് അസോസ്സിയേഷന്‍ അറിയിച്ചത്.

യുഎഇയില്‍ നിന്നുള്ള താരത്തിന്റെ എക്സറേ റിപ്പോര്‍ട്ടുകള്‍ നഷ്ടമായതോടെ താരത്തിന് ഓസ്ട്രേലിയയിലെത്തിയ ശേഷം പുതിയ സ്കാനുകള്‍ നടത്തേണ്ടി വന്നിട്ടുണ്ട്.

 

Advertisement