സൈമണ്‍ കാറ്റിച്ച് റോയല്‍ ചലഞ്ചേഴ്സ് ബാംഗ്ലൂരിന്റെ പുതിയ മുഖ്യ കോച്ച്, മൈക്ക് ഹെസണ്‍ ഡയറക്ടര്‍ ഓഫ് ക്രിക്കറ്റ് ഓപ്പറേഷന്‍സ്

റോയല്‍ ചലഞ്ചേഴ്സ് ബാംഗ്ലൂരിന് പുതിയ മുഖ്യ കോച്ച്. ഗാരി കിര്‍സ്റ്റെന് പകരം സൈമണ്‍ കാറ്റിച്ചിനെ ടീം മുഖ്യ കോച്ചായി നിയമിച്ചപ്പോള്‍ ക്ലബില്‍ ഇതുവരെ ഇല്ലാതിരുന്ന പുതിയ തസ്തികയാണ് മൈക്ക് ഹെസ്സണ് വേണ്ടി ടീം സൃഷ്ടിച്ചിരിക്കുന്നത്. ഡയറക്ടര്‍ ഓഫ് ക്രിക്കറ്റ് ഓപ്പറേഷന്‍സ് എന്ന പദവിയേലക്കാണ് മുന്‍ ന്യൂസിലാണ്ട് കോച്ച് എത്തുന്നത്. കഴിഞ്ഞ സീസണില്‍ അവസാനക്കാരായണ് റോയല്‍ ചലഞ്ചേഴ്സ് ബാംഗ്ലൂര്‍ ഐപിഎലില്‍ എത്തിയത്.

മൈക്ക് ഹെസ്സണേ ഇന്ത്യന്‍ കോച്ചിംഗ് പദവിയിലേക്ക് പരിഗണിച്ചിരുന്നുവെങ്കിലും രവി ശാസ്ത്രിയ്ക്ക് പിന്നില്‍ രണ്ടാം സ്ഥാനത്തെത്തുവാനെ താരത്തിന് സാധിച്ചുള്ളു. 2019 വരെ കൊല്‍ക്കത്ത നൈറ്റ് റൈഡേഴ്സിന്റെ ഉപ പരിശീലകനായിരുന്നു സൈമണ്‍ കാറ്റിച്ച്. ഇത് കൂടാതെ പല ഫ്രാഞ്ചൈസി അധിഷ്ഠിത ടീമുകളുടെയും പരിശീലക റോളില്‍ തിളങ്ങിയ താരമാണ് സൈമണ്‍ കാറ്റിച്ച്.