സൂര്യകുമാർ യാദവിന് അവസരം നൽകിയില്ല, വിമർശനവുമായി ഹർഭജൻ സിംഗ്

Suryakumar Yadhav Mumbai Indians Ipl
Photo: IPL

ഓസ്‌ട്രേലിയൻ പര്യടനത്തിനുള്ള ഇന്ത്യൻ ടീമിൽ സൂര്യകുമാർ യാദവിന് അവസരം നൽകാതിരുന്നതിൽ വിമർശനവുമായി മുൻ ഇന്ത്യൻ സ്പിന്നർ ഹർഭജൻ സിംഗ്. സോഷ്യൽ മീഡിയയിൽ കൂടിയാണ് ഹർഭജൻ വിമർശനം ഉന്നയിച്ചത്. ഇന്ത്യൻ ടീമിലേക്ക് തിരഞ്ഞെടുക്കപെടാൻ സൂര്യകുമാർ യാദവ് ഇതിൽ കൂടുതൽ എന്ത് ചെയ്യണമെന്ന് ഹർഭജൻ സിംഗ് ചോദിച്ചു.

ആഭ്യന്തര സീസണിലും എല്ലാ ഐ.പി.എല്ലിലും താരം മികച്ച പ്രകടനമാണ് പുറത്തെടുക്കുന്നതെന്നും ഹർഭജൻ സിംഗ് പറഞ്ഞു. വ്യത്യസ്‌ത ആളുകൾക്ക് വ്യത്യസ്‌ത നിയമമാണോ എന്നും സൂര്യകുമാർ യാദവിന്റെ റെക്കോർഡുകൾ ബി.സി.സി.ഐ സെലെക്ടർമാർ പരിശോധിക്കണമെന്നും ഹർഭജൻ സിംഗ് പറഞ്ഞു.

ഈ വർഷത്തെ ഐ.പി.എല്ലിൽ 11 മത്സരങ്ങൾ കളിച്ച സൂര്യകുമാർ യാദവ് 2 അർദ്ധ സെഞ്ച്വറികൾ അടക്കം 283 റൺസ് നേടിയിട്ടുണ്ട്. ഐ.പി.എല്ലിൽ മൊത്തം 96 മത്സരങ്ങൾ കളിച്ച സൂര്യകുമാർ യാദവ് 1831 റൺസും സ്വന്തമാക്കിയിട്ടുണ്ട്.

Previous articleസോണും കെയ്നും തിളങ്ങുന്നതിന്റെ ക്രെഡിറ്റ് പൊചടീനോ കൂടെ അർഹിക്കുന്നു
Next articleബിഗ് ബാഷിന് താനുണ്ടാവില്ലെന്ന് അറിയിച്ച് എബി ഡി വില്ലിയേഴ്സ്