ഗാരിയുടെ ഉപദേശം തുണച്ചു – പാര്‍ത്ഥിവ് പട്ടേല്‍

- Advertisement -

ഏത് ബൗളറെ ആക്രമിക്കണമെന്ന് തിരഞ്ഞെടുക്കുന്നതില്‍ വരുത്തേണ്ട മാറ്റമാണ് താന്‍ വരുത്തേണ്ടതെന്ന് കോച്ച് ഗാരി കിര്‍സ്റ്റന്‍ സൂചിപ്പിച്ചതാണ് തനിക്ക് തുണയായതെന്ന് തുറന്ന് പറഞ്ഞ് പാര്‍ത്ഥിവ് പട്ടേല്‍. മത്സരത്തിനു മുമ്പ് ഗാരി തന്നോട് അധികം ചിന്തിക്കേണ്ടതില്ല, ബൗളര്‍മാരെ തിരഞ്ഞെടുക്കുന്നതില്‍ മാത്രം ശ്രദ്ധിച്ചാല്‍ മതിയെന്നാണ് ഉപദേശം നല്‍കിയതെന്ന് പാര്‍ത്ഥിവ് പട്ടേല്‍ പറഞ്ഞു.

താന്‍ പവര്‍ പ്ലേയില്‍ ബാറ്റ് ചെയ്യുന്നത് ഇഷ്ടപ്പെടുന്നുവെന്നും തനിക്ക് ഓപ്പണിംഗ് ചെയ്യുമ്പോള്‍ ആ ആനുകൂല്യം ലഭിയ്ക്കുന്നുണ്ടെന്നും പാര്‍ത്ഥിവ് തുറന്നു പറഞ്ഞു. അത് കൂടാതെ കോഹ്‍ലിയ്ക്കൊപ്പം ഓപ്പണിംഗും വണ്‍ ഡൗണായി എബിഡിയും എത്തുമ്പോള്‍ തനിക്ക് ഏറെയൊന്നും ചെയ്യാനില്ല എന്നതും തനിക്ക് ഏറെ ഗുണം ചെയ്യുമെന്നതാണ് സത്യസന്ധമായ കാര്യമെന്നും പാര്‍ത്ഥിവ് തുണ പറഞ്ഞു.

താന്‍ ബൗണ്ടറികള്‍ നേടുകയും സ്ട്രൈക്ക് കൈമാറുന്നതിലും ശ്രദ്ധയൂന്നാറുണ്ടെന്നാണ് താരം പറഞ്ഞത്. താന്‍ ഇപ്പോള്‍ ബാറ്റ് ചെയ്യുന്ന രീതിയില്‍ താന്‍ സന്തുഷ്ടനാണെന്നും പാര്‍ത്ഥിവ് പട്ടേല്‍ വ്യക്തമാക്കി. 37 പന്തില്‍ നിന്ന് 53 റണ്‍സാണ് പാര്‍ത്ഥിവ് ഇന്നലെ നേടിയത്. 4 സിക്സും 2 ഫോറുമായിരുന്നു പാര്‍ത്ഥിവ് തന്റെ ഇന്നിംഗ്സില്‍ നേടിയത്.

Advertisement