ടി20 ലോകകപ്പ് മാറ്റിവെച്ച സമയത്ത് ഇന്ത്യൻ പ്രീമിയർ ലീഗ് നടത്താനുള്ള ബി.സി.സി.സിയുടെ തീരുമാനത്തെ സ്വാഗതം ചെയ്ത് പാകിസ്ഥാൻ ഇതിഹാസം സഹീർ അബ്ബാസ്. എല്ലാ രാജ്യങ്ങളും പണം ഉണ്ടാക്കാൻ വേണ്ടിയാണ് ടി20 ക്രിക്കറ്റ് മത്സരങ്ങൾ നടത്തുന്നതെന്നും താൻ ഇന്ത്യയെ കുറിച്ച് മാത്രമല്ല പറയുന്നതെന്നും എല്ലാ രാജ്യങ്ങളും അങ്ങനെയാണെന്നും സഹീർ അബ്ബാസ് പറഞ്ഞു.
ക്രിക്കറ്റ് ബോർഡുകൾക്ക് ഒരുപാടു പ്രതിബദ്ധതകളുണ്ടെന്നും അതുകൊണ്ടാണ് കാണികൾ ഇല്ലാതെയും ക്വറന്റൈനിൽ ഇരുന്നും ഇംഗ്ലണ്ടിന്റെയും വെസ്റ്റിൻഡീസിന്റെയും പരമ്പരകൾ നടക്കുന്നതെന്നും സഹീർ അബ്ബാസ് പറഞ്ഞു. കൊറോണ വൈറസ് പ്രതിസന്ധി തീർത്ത ഈ ഘട്ടത്തിൽ ഏതൊരു രാജ്യവും പണം ഉണ്ടാക്കാൻ ശ്രമിക്കുമെന്നും അതുകൊണ്ട് ക്രിക്കറ്റ് കളിക്കുന്ന രാജ്യങ്ങൾ പരസ്പരം സഹായിക്കുമെന്നും സഹീർ അബ്ബാസ് പറഞ്ഞു.
