വനിത പ്രീമിയര്‍ ലീഗിലെ ആര്‍സിബി ടീമിന്റെ മെന്ററായി സാനിയ മിര്‍സയെ നിയമിച്ചു. വനിത സ്പോര്‍ട്സിലെ ഇന്ത്യയുടെ വലിയ പ്രഛോദനം തന്നെയാണ് ടെന്നീസ് താരം സാനിയ മിര്‍സ. ആര്‍സിബി തങ്ങളുടെ ട്വിറ്റര്‍ അക്കൗണ്ടിലൂടെയാണ് ഇക്കാര്യം അറിയിച്ചത്.
ആര്‍സിബി തന്നെ ഈ ആവശ്യവുമായി സമീപിച്ചപ്പോള്‍ തനിക്ക് ആശ്ചര്യം തോന്നിയെന്നും എന്നാൽ ഇതിൽ താന്‍ ആവേശം കൊള്ളുന്നുണ്ടെന്നും സാനിയ പറഞ്ഞു. തന്റെ അടുത്ത ജോലി യുവതികളെയും ചെറിയ കുട്ടികളെയും സ്പോര്‍ട്സ് അവരുടെ കരിയര്‍ ആണെന്ന് വിശ്വാസത്തിൽ എടുപ്പിക്കുക എന്നതാണെന്നും സാനിയ കൂട്ടിചേര്‍ത്തു.
സ്പോര്‍ട്സിൽ സമ്മര്‍ദ്ദത്തെ അതിജീവിക്കുക എന്നത് പ്രധാനമാണെന്നും താന്‍ അതിനാവും കൂടുതൽ ശ്രദ്ധ കൊടുക്കുകയെന്നും സാനിയ പറഞ്ഞു.
