വനിതാ പ്രീമിയർ ലീഗ് (ഡബ്ല്യുപിഎൽ) ലേലത്തിൽ ഓൾറൗണ്ടർ ദീപ്തി ശർമ്മയുടെ സേവനം യുപി വാരിയേഴ്സ് സ്വന്തമാക്കി, പ്രതിഭാധനരായ കളിക്കാരിയെ 2.6 കോടി രൂപയ്ക്ക് ആണ് യു പി സ്വന്തമാക്കിയത്. ദീപ്തി ശർമ്മയെ ഇന്ത്യയിലെ ഏറ്റവും മികച്ച ഓൾറൗണ്ടർമാരിൽ ഒരാളായാണ് കണക്കാക്കുന്നത്.
ദീപ്തി നിലവിൽ ഐസിസി ക്രിക്കറ്റ് റാങ്കിംഗിലെ മികച്ച ഓൾറൗണ്ടർമാരിൽ നാലാം സ്ഥാനത്താണ്. 188 റൺസുമായി ഏകദിനത്തിൽ ഒരു വനിതാ ക്രിക്കറ്റർ നേടുന്ന ഏറ്റവും ഉയർന്ന വ്യക്തിഗത സ്കോറർമാരിൽ മൂന്നാം സ്ഥാനത്തുമാണ് ശർമ്മ.
