റഹ്മാനുള്ള ഗുര്‍ബാസിനെ ഐപിഎലില്‍ കാണണമെന്ന് ആഗ്രഹം – ലാന്‍സ് ക്ലൂസ്നര്‍

Sports Correspondent

Download the Fanport app now!
Appstore Badge
Google Play Badge 1

അഫ്ഗാനിസ്ഥാന്‍ താരം റഹ്മാനുള്ള ഗുര്‍ബാസ് ഐപിഎൽ കളിക്കുന്നത് കാണണമെന്നാണ് തന്റെ ആഗ്രഹം എന്ന് പറഞ്ഞ് ലാന്‍സ് ക്ലൂസ്നര്‍. മുന്‍ അഫ്ഗാന്‍ മുഖ്യ കോച്ചായിരുന്നു ലാന്‍സ് ക്ലൂസ്നര്‍. താരം ഇപ്പോളത്തെ തോതിൽ പരിശീലനം തുടരുകയും ഫിറ്റ്നെസ്സ് നിലനിര്‍ത്തുകയും ചെയ്യുകയാണെങ്കില്‍ ലോക ക്രിക്കറ്റിലെ തന്നെ സെന്‍സേഷനായി മാറുമെന്ന് ക്ലൂസ്നര്‍ വ്യക്തമാക്കി.

താരത്തിനെ ഏതെങ്കിലും ഐപിഎൽ ടീം തിരഞ്ഞെടുക്കുമെന്നാണ് താന്‍ ആഗ്രഹിക്കുന്നതെന്നും എപ്പോളും ക്രിക്കറ്റിൽ നിന്ന് കാര്യങ്ങള്‍ പഠിക്കുവാന്‍ ആഗ്രഹിക്കുന്ന ഒരു യുവതാരമാണ് ഗുര്‍ബാസ് എന്നും ക്ലൂസ്നര്‍ കൂട്ടിചേര്‍ത്തു.

ഏതാനും ദിവസം മുമ്പ് പാക്കിസ്ഥാന്‍ സൂപ്പര്‍ ലീഗിൽ ധോണിയെ പോലെ ഹെലികോപ്ടര്‍ ഷോട്ട് പായിച്ച് ഗുര്‍ബാസ് സമൂഹ മാധ്യമങ്ങളിൽ ഏറെ ചര്‍ച്ച ചെയ്യപ്പെട്ടിരുന്നു.