ചഹാലുമായി യാതൊരുവിധ മത്സരവുമില്ല, അദ്ദേഹം പര്‍പ്പിള്‍ ക്യാപ് നേടണമെന്ന് ആഗ്രഹം – കുൽദീപ് യാദവ്

ഐപിഎലില്‍ ഡൽഹി ബൗളര്‍മാരിൽ ശ്രദ്ധേയമായ പ്രകടനം പുറത്തെടുത്തിട്ടുള്ളത് കുൽദീപ് യാദവ് ആണ്. കൊല്‍ക്കത്ത നിരയിൽ കഴിഞ്ഞ സീസണിൽ അവസരം ലഭിയ്ക്കായിരുന്ന താരം പിന്നീട് മെഗാ ലേലത്തിലൂടെ ഡൽഹിയിലേക്ക് എത്തുകയും ടീമിന്റെ ബൗളിംഗിലെ പ്രധാന കണ്ണിയായി മാറുകയും ചെയ്തു. ഈ ഐപിഎലില്‍ താരം ഇതുവരെ 4 പ്ലേയര്‍ ഓഫ് ദി മാച്ച് അവാര്‍ഡുകള്‍ നേടുകയും ചെയ്തു.

ശ്രേയസ്സിന്റെ വിക്കറ്റ് വളരെ നിര്‍ണ്ണായകമായിരുന്നുവെങ്കിലും റസ്സലിന്റെ വിക്കറ്റാണ് താന്‍ ആസ്വദിച്ചതെന്ന് കുൽദീപ് വ്യക്തമാക്കി. ചഹാല്‍ തന്റെ മൂത്ത സഹോദരനെപ്പോലെയാണെന്നും അദ്ദേഹവുമായി യാതൊരുവിധ മത്സരബുദ്ധിയും ഇല്ലെന്നും താരം കൂട്ടിചേര്‍ത്തു. താന്‍ പരിക്കേറ്റ് പുറത്തിരുന്നപ്പോള്‍ തനിക്ക് പ്രോത്സാഹനവും ആത്മവിശ്വാസവും നൽകിയത് താരം ആണെന്നും അദ്ദേഹം പര്‍പ്പിള്‍ ക്യാപ് സ്വന്തമാക്കുമെന്നാണ് കരുതുന്നതെന്നും കുൽദീപ് കൂട്ടിചേര്‍ത്തു.