primus mobile
primus mobile

വാര്‍ണറും ഭുവിയും മതി, സണ്‍ റൈസേഴ്സ് ഹൈദ്രാബാദ്

രണ്ട് താരങ്ങളെ മാത്രം നിലനിര്‍ത്തി സണ്‍റൈസേഴ്സ് ഹൈദ്രബാദ്. നായകന്‍ ഡേവിഡ് വാര്‍ണറെയും ഇന്ത്യന്‍ പേസ് ബൗളര്‍ ഭുവനേശ്വര്‍ കുമാറിനെയുമാണ് ടീം നിലനിര്‍ത്തിയത്. ശിഖര്‍ ധവാന്‍, റഷീദ് ഖാന്‍ തുടങ്ങിയ താരങ്ങളെ ഇപ്പോള്‍ നിലനിര്‍ത്തേണ്ടതില്ല എന്നാണ് ടീം തീരുമാനിച്ചിരിക്കുന്നത്. ലോകമെമ്പാടുമുള്ള ടി20 ടൂര്‍ണ്ണമെന്റുകളില്‍ വിജയശില്പിയായി മാറിക്കഴിഞ്ഞ റഷീദ് ഖാനെ നിലനിര്‍ത്തേണ്ടതില്ല എന്ന ടീമിന്റെ തീരുമാനം നിരീക്ഷകരെ ഞെട്ടിച്ചിട്ടുണ്ട്.

https://twitter.com/IPL/status/948908552835379200

12.5 കോടി രൂപയാണ് വാര്‍ണര്‍ക്കായി ഹൈദ്രാബാദ് നല്‍കുന്നത്. 8.5 കോടി രൂപയ്ക്ക് ഭുവിയും ടീമിനൊപ്പം ചേര്‍ന്നു. 59 കോടി രൂപ ലേലത്തിനായി കൈവശമുള്ള ടീമിനു 3 റൈറ്റ് ടു മാച്ച് അവസരങ്ങളുമുണ്ട്. റഷീദ് ഖാനെ റൈറ്റ് ടു മാച്ച് ഉപയോഗിച്ച് തിരിച്ചെടുക്കുവാന്‍ തന്നെയാകും ടീമിന്റെ തീരുമാനം. എന്നാല്‍ ലേലത്തില്‍ താരത്തിനു എത്ര രൂപ വരെ പോകുമെന്നത് കണ്ടറിയേണ്ടതാണ്.

കൂടുതൽ കായിക വാർത്തകൾക്ക് : www.facebook.com/FanportOfficial