ഡൽഹി ക്യാപിറ്റൽസും രാജസ്ഥാൻ റോയൽസും തമ്മിലുള്ള മത്സരത്തിൽ ഡൽഹി ക്യാപിറ്റൽസിന്റെ ഡേവിഡ് വാർണർ നിർണായക നാഴികക്കല്ല് പിന്നിട്ടു. ഇന്ത്യൻ പ്രീമിയർ ലീഗിന്റെ (ഐപിഎൽ) ചരിത്രത്തിൽ 6,000 റൺസ് തികയ്ക്കുന്ന മൂന്നാമത്തെ കളിക്കാരനായി ഓസ്ട്രേലിയൻ ഓപ്പണർ ഇന്ന് മാറി. ഇന്ന് അർധ സെഞ്ച്വറി നേടാൻ വാർണറിനായി എങ്കിലും ടീം ജയിച്ചിരുന്നില്ല.
രാജസ്ഥാൻ റോയൽസിനെതിരായ മത്സരത്തിനിടെ തന്റെ 164-ാം ഇന്നിംഗ്സിലാണ് വാർണർ ഈ നേട്ടം കൈവരിച്ചത്. ഐപിഎല്ലിൽ 6,000 റൺസ് പിന്നിട്ട മറ്റ് താരങ്ങൾ വിരാട് കോലിയും ശിഖർ ധവാനും ആണ്. 2009 ലെ അരങ്ങേറ്റം മുതൽ വാർണർ ഐപിഎല്ലിന്റെ അവിഭാജ്യ ഘടകമാണ്, ഐപിഎല്ലിൽ സൺറൈസേഴ്‌സ് ഹൈദരാബാദ്, ഡൽഹി ക്യാപിറ്റൽസ് തുടങ്ങിയ ടീമുകൾക്കായി താരം കളിച്ചിട്ടുണ്ട്.
