സണ്‍റൈസേഴ്സ് ഓള്‍റൗണ്ടര്‍ വിജയ് ശങ്കര്‍ ഐപിഎലില്‍ നിന്ന് പുറത്ത്. സണ്‍റൈസേഴ്സിന്റെ നിര്‍ണ്ണായകമായ രണ്ട് മത്സരങ്ങള്‍ അവശേഷിക്കെയാണ് സണ്‍റൈസേഴ്സിന് തിരിച്ചടിയായി താരത്തിന്റെ പരിക്ക് എത്തുന്നത്. ഗ്രേഡ് 2 പരിക്ക് മൂലമാണ് താരം പുറത്ത് പോകുന്നത്.
ഡല്‍ഹി ക്യാപിറ്റല്‍സിനെതിരെയുള്ള മത്സരത്തിനിടെയാണ് താരത്തിന് പരിക്കേറ്റത്. മിച്ചല്‍ മാര്‍ഷ്, ഭുവനേശ്വര്‍ കുമാര്‍ എന്നിവര്‍ക്കും സണ്‍റൈസേഴ്സ് നിരയില്‍ നേരത്തെ പരിക്കേറ്റിരുന്നു. നിലവില്‍ 12 മത്സരങ്ങളില്‍ നിന്ന് 10 പോയിന്റുമായി ഏഴാം സ്ഥാനത്താണ് സണ്‍റൈസേഴ്സ് നിലകൊള്ളുന്നത്.
