മുന്‍ രാജസ്ഥാൻ റോയൽസ് ഓൾറൗണ്ടർ ശിവം ഡുബേയെ സ്വന്തമാക്കി ചെന്നൈ സൂപ്പര്‍ കിംഗ്സ്. താരത്തിനെ 4 കോടിയ്ക്കാണ് ചെന്നൈ സ്വന്തമാക്കിയത്. ലക്നൗ ആണ് ആദ്യം താരത്തിനായി രംഗത്തെത്തിയത്. ഉടന്‍ തന്നെ മുന്‍ ടീം രാജസ്ഥാന്‍ റോയൽസും എത്തിയെങ്കിലും അധികം വൈകാതെ ടീം ലേലത്തിൽ നിന്ന് പിന്മാറിയപ്പോള്‍ ലക്നൗ സൂപ്പര്‍ ജയന്റ്സ് പകരം എത്തി.
ലേലം മുറുകിയപ്പോള്‍ ഇന്ത്യന്‍ ഓള്‍റൗണ്ടറുടെ വില 2 കോടി കടന്ന് മുന്നേറി. ലേലം പഞ്ചാബിന് 2.20 കോടിയ്ക്ക് ഉറപ്പിക്കുവാന്‍ പോയപ്പോള്‍ ചെന്നൈ താല്പര്യം അറിയിച്ചെത്തി. പഞ്ചാബ് 3.8 വരെ ലേലത്തിൽ തുടര്‍ന്നുവെങ്കിലും ഒടുവിൽ ചെന്നൈ സൂപ്പര്‍ കിംഗ്സ് താരത്തെ 4 കോടിയ്ക്ക് സ്വന്തമാക്കി.
