ചെന്നൈ സൂപ്പർ കിങ്സിന്റെ ഇംഗ്ലീഷ് താരം സാം കുറാന് മുംബൈ ഇന്ത്യൻസിനെതിരായ ഐ.പി.എല്ലിലെ ആദ്യ മത്സരം നഷ്ട്ടമാകും. ഇന്ന് യു.എ.ഇയിൽ എത്തിയ സാം കുറാൻ 6 ദിവസത്തെ ക്വാറന്റീൻ പൂർത്തിയാക്കിയതിന് ശേഷം മാത്രമാവും ടീമിനൊപ്പം ചേരാൻ കഴിയുക.
നിലവിൽ ഇംഗ്ലണ്ടിൽ വരുന്നവർക്ക് ബി.സി.സി.ഐ 6 ദിവസത്തെ ക്വാറന്റീൻ നിർബന്ധമാക്കിയിരുന്നു. ഇതോടെ ചെന്നൈ സൂപ്പർ കിങ്സിന്റെ ആദ്യ മത്സരം സാം കുറാന് നഷ്ട്ടമാകും. ഐ.പി.എല്ലിന്റെ ആദ്യ ഘട്ടത്തിൽ ചെന്നൈ സൂപ്പർ കിങ്സിന് വേണ്ടി 9 വിക്കറ്റും 52 റൺസും താരം നേടിയിട്ടുണ്ട്. നിലവിൽ നാലാം സ്ഥാനത്തുള്ള മുംബൈ ഇന്ത്യൻസിനെതിരെയുള്ള മത്സരത്തിൽ താരത്തിന് കളിക്കാൻ കഴിയാത്തത് ചെന്നൈ സൂപ്പർ കിങ്സിന് കനത്ത തിരിച്ചടിയാണ്.
