മൊഹാലിയില്‍ പരാജയമറിയാതെയുള്ള പഞ്ചാബിന്റെ കുതിപ്പ് ഇന്നും തുടര്‍ന്നപ്പോള്‍ അതിന്റെ ഇന്നത്തെ വിജയ ശില്പി അത് ഇംഗ്ലണ്ടില്‍ നിന്നുള്ള യുവതാരം സാം കറനായിരുന്നു. ഹാട്രിക്ക് ഉള്‍പ്പെടെ തന്റെ നാല് വിക്കറ്റ് വെറും 2.2 ഓവറില്‍ 11 റണ്‍സ് വിട്ട് നല്‍കി നേടിയപ്പോള്‍ ഇത് രണ്ടാം മത്സരത്തിലാണ് താരം ടീമിനെ തിരിച്ചുവരവിന്റ പാതയിലേക്ക് കൊണ്ടു വരുന്നത്. പന്ത്രണ്ടാം സീസണിലെ ആദ്യ ഹാട്രിക്ക് കൂടിയാണ് താരം ഇന്ന് സ്വന്തമാക്കിയത്.
രാജസ്ഥാന്‍ റോയല്‍സിനെതിരെ സമാനമായ സ്ഥിതിയില്‍ സ്റ്റീവന്‍ സ്മിത്തിനെയും സഞ്ജു സാംസണെയും പുറത്താക്കി സാം കറന് പഞ്ചാബിനെ ജയത്തിലേക്ക് പിടിച്ച് കയറ്റിയപ്പോള്‍ ഇന്ന് പതിനെട്ടാം ഓവറില്‍ കോളിന്‍ ഇന്‍ഗ്രാമിനെയും ഹര്‍ഷല്‍ പട്ടേലിനെയും പുറത്താക്കിയ താരം അവസാന ഓവറില്‍ റബാഡയെയും നേപ്പാള്‍ താരം സന്ദീപ് ലാമിച്ചാനെയെയും പുറത്താക്കി തന്റെ ഹാട്രിക്കും സ്വന്തമാക്കി.
