ഇന്ന് മുംബൈ ഇന്ത്യൻസിനെതിരായ ഇന്ത്യൻ പ്രീമിയർ ലീഗ് (ഐപിഎൽ) മത്സരത്തിൽ ശ്രീലങ്കൻ ബൗളർ മതീശ പതിരണ ആയിരുന്നു താരം. യുവ ക്രിക്കറ്റ് താരം 3/15 എന്ന തന്റെ ഐ പി എല്ലിലെ മികച്ച ബൗളിങ് ഫിഗർ ഇന്ന് നേടി. മുംബൈക്ക് എതിരെ നിർണായക വിജയം നേടാൻ തന്റെ ടീമിനെ സഹായിക്കാൻ ഈ ബൗളിംഗിലൂടെ പതിരണക്ക് ആയി.
വിക്കറ്റുകൾ നേടി കഴിഞ്ഞാൽ ഉള്ള തന്റെ ആഹ്ലാദം റൊണാൾഡോയോടുള്ള സ്നേഹം കൊണ്ടാണെന്നും പതിരണ മത്സര ശേഷം പറഞ്ഞു. പോർച്ചുഗീസ് ഫുട്ബോൾ താരം ക്രിസ്റ്റ്യാനോ റൊണാൾഡോയുടെ പുതിയ സെലൊബ്രേഷൻ ആയ ‘സ്ലീപ്’ സെലിബ്രേഷൻ ആണ് പതിരണ വിക്കറ്റ് എടുത്താൽ പതിരണയും അനുകരിക്കുന്നത്‌. റൊണാൾഡോ ആണ് തന്റെ പ്രിയ താരം എന്നും അതുകൊണ്ടാണ് ഈ സെലിബ്രേഷൻ എന്നും താരം മത്സര ശേഷം പറഞ്ഞു.
പതിരണ തന്റെ പ്രകടനത്തിൽ സന്തോഷം പ്രകടിപ്പിക്കുകയും ടീം മാനേജ്‌മെന്റിന്റെ പിന്തുണക്ക് ക്രെഡിറ്റ് നൽകുകയും ചെയ്തു.
“CSKയ്‌ക്കൊപ്പമുള്ള എന്റെ യാത്ര കഴിഞ്ഞ വർഷം മുതലാണ് ആരംഭിച്ചത്, ഞാൻ പകരക്കാരനായി വന്ന് രണ്ട് ഗെയിമുകൾ മാത്രമാണ് കളിച്ചത്, എന്നാൽ ഈ സീസണിൽ ഞാൻ കൂടുതൽ കളിക്കുന്നു, ഞാൻ സന്തോഷവാനാണ്. അവർ (ടീം മാനേജ്‌മെന്റ്) എനിക്ക് വളരെയധികം ആത്മവിശ്വാസം നൽകുന്നു. ടി20 ക്രിക്കറ്റിലെ എന്റെ ഏറ്റവും മികച്ച ബൗളിംഗ് ആണിത്, പ്രകടനത്തിൽ ഞാൻ സന്തുഷ്ടനാണ്” യുവതാരം പറഞ്ഞു.
