ലക്നൗവിനെതിരെ 33 പന്തിൽ പുറത്താകാതെ 67 റൺസ് നേടിയ റിങ്കു സിംഗിനെ ടീമിനെ വിജയത്തിലേക്ക് നയിക്കാന്‍ സാധിച്ചിരിന്നില്ല. ഗുജറാത്ത് ടൈറ്റന്‍സിനെതിരെയുള്ള മത്സരത്തിൽ അഞ്ച് സിക്സ് നേടി അവസാന ഓവറിൽ ടീമിനെ വിജയത്തിലേക്ക് നയിച്ച റിങ്കു സിംഗ് പറയുന്നത് ഇന്നലെ ഫൈനൽ ഓവറിനിറങ്ങുമ്പോള്‍ തന്റെ മനസ്സിലൂടെ അന്നത്തെ കാര്യങ്ങള്‍ ഓടുന്നുണ്ടെന്നായിരുന്നു.
അതിനാൽ തന്നെ തനിക്ക് ടീമിനെ വിജയത്തിലേക്ക് നയിക്കാനാകുമെന്ന് പ്രതീക്ഷയുണ്ടായിരുന്നുവെന്നും എന്നാൽ തനിക് ഒരു പന്ത് മിസ്സായെന്നും ഒരു ബോളിൽ ഫോര്‍ മാത്രം നേടാനായതും തിരിച്ചടിയായി എന്നും റിങ്കു കൂട്ടിചേര്‍ത്തു.
ഗുജറാത്തിനെതിരെയുള്ള മത്സരത്തിന് ശേഷം തന്നെ കൂടുതൽ ആളുകള്‍ തിരിച്ചറിയുവാന്‍ തുടങ്ങിയെന്നും ഇപ്പോള്‍ കൂടുതല്‍ ആളുകള്‍ തന്നെ ബഹുമാനിക്കുന്നുണ്ടെന്നും റിങ്കു പറഞ്ഞു.
