ഇന്ന് റിങ്കു സിങിന്റെ ഇന്നിംഗ്സ് പേടിപ്പിച്ചു എന്ന് ലഖ്നൗ സൂപ്പർ ജയന്റ്സ് താരം രവി ബിഷ്ണോയ്. റിങ്കുവിന്റെ ഇന്നിംഗ്സ് കെ കെ ആറിനെ വിജയത്തിന് വളരെ അടുത്ത് എത്തിച്ചിരുന്നു.വെറും ഒരു റണ്ണിനാണ് കെ കെ ആർ ഇന്ന് തോറ്റത്‌. റിങ്കുസിംഗ് 33 പന്തിൽ നിന്ന് 67 റൺസ് ആണ് എടുത്തത്.
“ജയിച്ചതിൽ സന്തോഷം ഉണ്ട്, എന്നാൽ റിങ്കു ബാറ്റ് ചെയ്യുന്ന രീതി പേടിപ്പിച്ചു, ഓരോ പന്തും മത്സരം കൈവിട്ടുപോകുമോ എന്ന ഭയം ആയിരുന്നു,” ബിഷ്ണോയ് മത്സരശേഷം പറഞ്ഞു.
“ഇന്ന് പന്ത് വിക്കറ്റിൽ മെല്ലെയേ പോകുന്നുണ്ടായിരുന്നുള്ളൂ. സ്പിന്നർമാർ നന്നായി പന്തെറിഞ്ഞാൽ ലക്ഷ്യം നേടുന്നത് ബുദ്ധിമുട്ടാകുമെന്ന് ഞങ്ങൾക്ക് തോന്നി. വിക്കറ്റ് വീഴ്ത്തുക എന്നതിലായിരുന്നു ശ്രദ്ധ. പ്ലേഓഫിൽ ഞങ്ങൾ ശക്തമായി പൊരുതി ട്രോഫി നേടാൻ ശ്രമിക്കും.” തന്റെയും ടീമിന്റെയും ബൗളിംഗിനെ കുറിച്ച് ബിഷ്ണോയ് സംസാരിച്ചു.
