അന്താരാഷ്ട്ര മത്സരങ്ങളിൽ ശ്രദ്ധ കേന്ദ്രീകരിക്കാൻ വേണ്ടി വിശ്രമം എടുക്കണം എന്നതിനാൽ ഇന്ത്യൻ പ്രീമിയർ ലീഗിന്റെ 2023 സീസണിൽ കളിക്കേണ്ട എന്ന തീരുമാനവുമായി ഓസ്‌ട്രേലിയൻ ക്യാപ്റ്റൻ പാറ്റ് കമ്മിൻസ്. കഴിഞ്ഞ മൂന്ന് ഐപിഎൽ ടൂർണമെന്റുകളിലും കൊൽക്കത്ത നൈറ്റ് റൈഡേഴ്സിനൊപ്പം ഉണ്ടായിരുന്ന കമ്മിൻസ് കൊൽക്കത്ത ടീമുമായും ഈ കാര്യം സംസാരിച്ചു തീരുമാനത്തിൽ എത്തി.
I’ve made the difficult decision to miss next years IPL. The international schedule is packed with Tests and ODI’s for the next 12 months, so will take some rest ahead of an Ashes series and World Cup. pic.twitter.com/Iu0dF73zOW
— Pat Cummins (@patcummins30) November 14, 2022
ഈ വരുന്ന വർഷത്തിൽ കുറേയേറെ അന്താരാഷ്ട്ര മത്സരങ്ങൾ ഉള്ളത് കാരണം അടുത്ത വർഷത്തെ ഐപിഎല്ലിൽ താൻ പങ്കെടുക്കില്ലെന്ന് 29 കാരനായ താരം ട്വിറ്ററിൽ കുറിച്ചു. അടുത്ത 12 മാസം ടെസ്റ്റുകളും ഏകദിനങ്ങളും കൊണ്ട് നിറഞ്ഞതാണ് എന്നും അതിനാൽ ആഷസ് പരമ്പരയ്ക്കും ലോകകപ്പിനും മുന്നോടിയായി കുറച്ച് വിശ്രമം എടുക്കേണ്ടതുണ്ട് എന്നും കമ്മിൻസ് ട്വിറ്ററിൽ കുറിച്ചു.
