ഗ്ലൻ മാക്സ്‌വെല്ലിനെ രൂക്ഷമായി വിമർശിച്ച് മുൻ ഇന്ത്യൻ വിക്കറ്റ് കീപ്പർ പാർഥിവ് പട്ടേൽ. ഇന്ന് ട്വിറ്ററിലൂടെ മാക്സ്‌വെലിനെ ഓവർ റേറ്റഡ് പ്ലയർ ആണെന്ന് പാർഥിവ് പറഞ്ഞു. മാക്സ്വെൽ ഇന്ന് ഗുജറാത്തിന് എതിരെ 3 പന്തിൽ 4 റൺസ് ആണ് ആകെ നേടിയത്. ഈ ഇന്നിംഗ്സിനു ശേഷമാണ് പാർഥിവ് പട്ടേൽ ട്വീറ്ററിലൂടെ പ്രതികരിച്ചത്.
“ഗ്ലെൻ മാക്സ്വെൽ ഐ പി എൽ ചരിത്രത്തിലെ ഏറ്റവും ഓവർ റേറ്റഡ് പ്ലയർ ആണ്” പട്ടേൽ ട്വിറ്ററിൽ പറഞ്ഞു.
ഈ സീസണിൽ 8 മത്സരങ്ങളിൽ നിന്ന് 5.14 ശരാശരിയിലും 97.29 സ്‌ട്രൈക്ക് റേറ്റിലും 36 റൺസ് മാത്രമാണ് ഓസ്‌ട്രേലിയൻ ഓൾറൗണ്ടർ ഇതുവരെ നേടിയത്.
