ഏറെക്കാലമായി ഐപിഎലില്‍ നിന്ന് വിട്ട് നിൽക്കുകയാണ് ഓസ്ട്രേലിയന്‍ താരം മിച്ചൽ സ്റ്റാര്‍ക്ക്. എന്നാൽ തന്റെ തീരുമാനത്തിന് തനിക്ക് ഖേദം തോന്നുന്നില്ലെന്നും അന്താരാഷ്ട്ര ക്രിക്കറ്റിൽ സജീവമായി നിൽക്കുന്ന തനിക്ക് ആവശ്യമായ ബ്രേക്ക് ആണ് ഈ ഐപിഎൽ ജാലകം എന്നാണ് താരം പറഞ്ഞത്.
തന്റെ ടി20 ബൗളിംഗ് മെച്ചപ്പെടുത്തുവാന്‍ ഐപിഎലില്‍ വന്നിരുന്നുവെങ്കിൽ സഹായകരമാകുമെങ്കിലും ഈ കാലത്തെ ബ്രേക്കുകള്‍ തന്റെ കഴിഞ്ഞ 12-18 മാസത്തെ ടെസ്റ്റ് ക്രിക്കറ്റിൽ ഏറെ ഗുണം ചെയ്തിട്ടുണ്ട് എന്നത് വ്യക്തമാണെന്നാണ് സ്റ്റാര്‍ക്ക് വ്യക്തമാക്കി.
തനിക്ക് തന്റെ ഭാര്യയും ഓസ്ട്രേലിയന്‍ വനിത താരവുമായ അലൈസ ഹീലിയുമായി കൂടുതൽ സമയം ചെലവഴിക്കുവാനും ഇത് സഹായിക്കുന്നുവെന്നും താരം പറഞ്ഞു.
