താന്‍ പൂനെയിലെ ബോര്‍ഡിംഗ് സ്കൂളിലുള്ളപ്പോള്‍ ഒരു മണിക്കൂര്‍ സ്പോര്‍ട്സ് ക്ലാസിൽ എല്ലാവിധ സ്പോര്‍ട്സിലും പങ്കെടുത്തിരുന്നതിനൊപ്പം കളിച്ചിരുന്ന ഒരു കളി മാത്രമായാണ് ക്രിക്കറ്റിനെ കണ്ടതെന്നും പ്രൊഫഷണൽ ക്രിക്കറ്റിൽ സജീവം ആവുമെന്ന് ഒരുക്കലും കരുതിയിരുന്നില്ലെന്നും മുകേഷ് ചൗധരി.
ഇന്നലെ മുംബൈയെ തന്റെ ഓപ്പണിംഗ് സ്പെല്ലിൽ തകര്‍ത്തെറിഞ്ഞ ശേഷം ലഭിച്ച മത്സരത്തിലെ പ്ലേയര്‍ ഓഫ് ദി മാച്ച് പുരസ്കാരം സ്വീകരിച്ച ശേഷം സംസാരിക്കുകയായിരുന്നു താരം. പവര്‍പ്ലേയിൽ മൂന്നോവര്‍ എറിഞ്ഞ താരം 19 റൺസ് വിട്ട് നൽകി 3 വിക്കറ്റ് നേടിയപ്പോള്‍ അതിൽ രോഹിത് ശര്‍മ്മയും ഇഷാന്‍ കിഷനും ഡെവാൽഡ് ബ്രെവിസും ഉള്‍പ്പെടുകയായിരുന്നു.
