മൊയീൻ അലിക്ക് വിസ ക്ലിയറൻസ്, ഇന്ന് സി എസ് കെ ക്യാമ്പിൽ

മൊയിൻ അലിയുടെ നീണ്ട കാത്തിരിപ്പിന് വിരാമമിട്ട് താരത്തിന് വിസ ക്ലിയറൻസ് ലഭിച്ചു. വ്യാഴാഴ്ച ചെന്നൈ സൂപ്പർ കിംഗ്‌സിന്റെ ക്യാമ്പിൽ മൊയീൻ അലി എത്തും. സി എസ് കെ ഓൾറൗണ്ടറിന് ഇന്ത്യയിലേക്ക് പോകാനുള്ള വിസ പേപ്പറുകൾ ലഭിച്ചതായി ഇന്ന് സ്ഥിരീകരിച്ചു.

“ മൊയീൻ അലി വൈകുന്നേരം മുംബൈയിലെത്തും, ഉടൻ തന്നെ ഐസൊലേഷനിലേക്ക് പോകും,” ഫ്രാഞ്ചൈസിയുടെ സിഇഒ കാശി വിശ്വനാഥൻ പറഞ്ഞു.

വിസ ക്ലിയറൻസ് വന്നു എങ്കിലും, ടീമിന്റെ ആദ്യ മത്സരത്തിന് മൊയീൻ അലി ഉണ്ടാകില്ല. കൊൽക്കത്ത നൈറ്റ് റൈഡേഴ്സിനെയാണ് ചെന്നൈ സൂപ്പർ കിങ്സ് ആദ്യ മത്സരത്തിൽ നേരിടേണ്ടത്. കഴിഞ്ഞ സീസണിൽ ചെന്നൈക്കായി ഗംഭീര പ്രകടനം നടത്താൻ മൊയീൻ അലിക്ക് ആയിരുന്നു‌