ഇന്ത്യൻ പ്രീമിയർ ലീഗിൻ്റെ വരാനിരിക്കുന്ന സീസണിന് ദിവസങ്ങൾ മാത്രം ശേഷിക്കെ മുംബൈ ഇന്ത്യൻസിന് ഒരു തിരിച്ചടി. പരിക്കേറ്റ ഓസ്‌ട്രേലിയൻ ഫാസ്റ്റ് ബൗളർ ജേസൺ ബെഹ്‌റൻഡോർഫ് 2024 ടൂർണമെൻ്റിൽ പങ്കെടുക്കില്ലെന്ന് ഫ്രാഞ്ചൈസി അറിയിച്ചു. ഇംഗ്ലണ്ടിൻ്റെ 28 കാരനായ ലൂക്ക് വുഡിനെ പകരക്കാരനായി മുംബൈ ഇന്ത്യൻസ് സൈൻ ചെയ്തു.
ഇംഗ്ലണ്ടിൽ നിന്നുള്ളഇടംകൈയ്യൻ ഫാസ്റ്റ് ബൗളറാണ് ലൂക്ക് വുഡ്. പാകിസ്ഥാൻ സൂപ്പർ ലീഗിൽ കറാച്ചി കിംഗ്സിനെതിരെ മികച്ച പ്രകടനം നടത്താൻ ലൂക് വുഡിനായിരുന്നു. ഇംഗ്ലണ്ടിനായി 2 ഏകദിനങ്ങൾക്ക് പുറമേ 5 T20Iകളും കളിച്ചിട്ടുണ്ട്, കൂടാതെ 8 T20I വിക്കറ്റുകളും അദ്ദേഹത്തിൻ്റെ പേരിലുണ്ട്. 50 ലക്ഷം രൂപയ്ക്ക് ആണ് വുഡിനെ മുംബൈ സൈൻ ചെയ്യുന്നത്.
