ഒരു റിയൽ സൂപ്പര് സ്റ്റാറുകളും ഇല്ലാത്ത ടീമാണ് ലക്നൗ സൂപ്പര് ജയന്റ്സ് എന്നും തന്റെ ടീമാണ് റിയൽ ടീമെന്നും തെളിയിച്ചെന്ന് പറഞ്ഞ് എൽഎസ്ജി ഓള്റൗണ്ടര് മാര്ക്കസ് സ്റ്റോയിനിസ്. ഇന്നലെ മുംബൈയ്ക്കെതിരെയുള്ള ത്രസിപ്പിക്കും വിജയത്തിന് ശേഷമായിരുന്നു സ്റ്റോയിനിസിന്റെ പ്രതികരണം.
ഓരോ മത്സരങ്ങളിലും ഓരോ താരങ്ങളാണ് മുന്നോട്ട് വന്ന് ടീമിനെ വിജയിപ്പിക്കുന്നതെന്നും സ്റ്റോയിനിസ് വ്യക്തമാക്കി. ലക്നൗ കെഎൽ രാഹുലിന്റെ സേവനങ്ങള് മിസ്സ് ചെയ്യുന്നുണ്ടെന്നും എന്നാൽ ക്രുണാൽ പാണ്ഡ്യ നായകനായി ടീമിനൊപ്പമുള്ളത് സഹായകരമാണെന്നും സ്റ്റോയിനിസ് കൂട്ടിചേര്ത്തു. ആന്ഡി ഫ്ലവറിന് നല്ല ക്രിക്കറ്റിംഗ് ബ്രെയിന് ഉണ്ടെന്നും താരവും ടീമിന് തുണയാകുന്നുണ്ടെന്ന് സ്റ്റോയിനിസ് പറഞ്ഞു.
