റിങ്കു സിംഗിനെയും യശസ്വി ജൈസ്വാളിനെയും ഇന്ത്യന്‍ ടീമിലേക്ക് എടുക്കണമെന്ന് പറഞ്ഞ് ഹര്‍ഭജന്‍ സിംഗ്. ഇരുവരെയും പ്ലേയിംഗ് ഇലവനിൽ ഉള്‍പ്പെടുത്തണമെന്ന് താന്‍ പറയില്ലെങ്കിലും സ്ക്വാഡിൽ ഉള്‍പ്പെടുത്തി അവര്‍ക്ക് ഈ അന്തരീക്ഷവുമായി അടുത്തിടപഴകുവാനുള്ള അവസരം നൽകണമെന്നാണ് ഹര്‍ഭജന്‍ സിംഗിന്റെ ആവശ്യം.
ഇരു താരങ്ങളും മികച്ച ഫോമിലാണെന്നും ഈ ഫോമിൽ ഇവര്‍ കളിക്കുമ്പോള്‍ തന്നെ ഇവരെ ഇന്ത്യന്‍ ടീമിലുള്‍പ്പെടുത്തിയാൽ അത് ഗുണം ചെയ്യുമെന്നും മുന്‍ ഇന്ത്യന്‍ ഓഫ് സ്പിന്നര്‍ വ്യക്തമാക്കി. ആരെങ്കിലും മികച്ച രീതിയിൽ കളിക്കുകയോ പ്രകടനം നടത്തുകയോ ചെയ്യുമ്പോള്‍ അവരെ സിസ്റ്റത്തിന്റെ ഭാഗമാക്കണെന്ന് ചിന്തിക്കുന്ന വ്യക്തിയാണ് താന്‍ എന്നും അവരെ ഇന്ത്യന്‍ സ്ക്വാഡിനൊപ്പമുള്‍പ്പെടുത്തിയാൽ അവര്‍ക്കും പലതും പഠിക്കാനാകുമെന്നും ഹര്‍ഭജന്‍ പറഞ്ഞു.
