ആധുനിക ടി20 ഗെയിമിൽ യോർക്കറുകൾ ബൗൾ ചെയ്യുന്നത് വളരെ ബുദ്ധിമുട്ടാണെന്ന് ഡൽഹി ക്യാപിറ്റൽസ് പേസർ ഇഷാന്ത് ശർമ്മ. ബൗളർമാർക്ക് ഇപ്പോൾ യോർക്കർ എറിയുക ശരിക്കും ബുദ്ധിമുട്ടാണെന്ന് ഞാൻ കരുതുന്നു, കാരണം ബാറ്റർമാർക്ക് ഇപ്പോൾ എന്തും ചെയ്യാൻ കഴിയും. അത്ര നല്ല ബാറ്റുകൾ, നല്ല ബാറ്റിംഗ് വിക്കറ്റുകൾ, ചെറിയ ബൗണ്ടറികൾ, എല്ലായിടത്തും പറക്കുന്ന പന്തുകൾ. ഇതെല്ലാം ബാറ്റർക്ക് മുൻതൂക്കം നൽകുന്നു. ശർമ്മ പറഞ്ഞു.
വലിയ സ്ക്വയർ ബൗണ്ടറികൾ ഉള്ളതിനാൽ ഓസ്ട്രേലിയയിൽ നടന്ന ലോകകപ്പിൽ നന്നായി യോർക്കർ എറിയാൻ ആകുമായിരുന്നു. ഓസ്ട്രേലിയയിൽ നിങ്ങൾക്ക് ഒരു സിക്‌സ് അടിക്കണമെങ്കിൽ, അത് അത്ര എളുപ്പമല്ല. അത് ബൗളിംഗ് യൂണിറ്റിന് അൽപ്പം കൂടുതൽ മാർജിൻ നൽകുന്നു. പേസർ വിശദീകരിച്ചു.
