ഈ ഐ പി എൽ സീസണിൽ പർപ്പിൽ ക്യാപ്പ് മാത്രമല്ല കിരീടം കൂടിയാണ് ലക്ഷ്യം എന്ന് രാജസ്ഥാൻ റോയൽസ് സ്പിന്നഫ് ചാഹൽ. “ഈ വർഷത്തെ എന്റെ പ്രധാന ലക്ഷ്യം പർപ്പിൾ ക്യാപ്പ് മാത്രമല്ല, ട്രോഫി നേടുക എന്നതുമാണ്,” ചാഹൽ പറഞ്ഞു.
ഐപിഎൽ 2022ൽ 27 വിക്കറ്റ് വീഴ്ത്തി പർപ്പിൾ ക്യാപ്പ് നേടിയെങ്കിലും ചാഹലിന്റെ രാജസ്ഥാൻ റോയൽസ് ഫൈനലിൽ പരാജയപ്പെട്ടിരുന്നു. ലഖ്‌നൗ സൂപ്പർ ജയന്റ്‌സിന്റെ മാർക്ക് വുഡ്, ഗുജറാത്ത് ടൈറ്റൻസിന്റെ റാഷിദ് ഖാൻ എന്നിവർക്കൊപ്പം 11 വിക്കറ്റുകളുമായി ഈ സീസണിൽ ഇപ്പോൾ ഏറ്റവും കൂടുതൽ വിക്കറ്റ് നേടിയ താരമാണ് ചാഹൽ.
ഇന്ന് ലഖ്നൗവിനെ നേരിടുന്നതിന് മുന്നോടിയായി സംസാരിച്ച ചാഹൽ ഇമ്പാക്ട് ല്ലയർ റൂൾ രാജസ്ഥാനെ ഏറെ സഹായിക്കുന്നുണ്ട് എന്ന് പറഞ്ഞു. ഇത് ഒരു പ്ലസ് പോയിന്റാണ് എന്നും കാരണം എനിക്ക് ബാറ്റ് കൊണ്ട് പ്രയോജനമില്ല. എനിക്ക് പകരം ഒറ്റാൾ ബാറ്റു ചെയ്യുന്നത് ഒരു പ്ലസ് പോയിന്റാണ്,” ചാഹൽ പറഞ്ഞു. ഇതുവരെ കഴിഞ്ഞ അഞ്ച് മത്സരങ്ങളിൽ രണ്ട് തവണ ചാഹൽ പകരക്കാരനായിരുന്നു.
