ഗുജറാത്ത് ടൈറ്റൻസിനെതിരായ ഇന്നലത്തെ വിജയം ഒരു ചെറിയ പക വീട്ടലാണെന്ന് വിജയ ശില്പിയായ ഹെറ്റ്മയർ. ഇന്നലെ അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടന്ന ഇന്ത്യൻ പ്രീമിയർ ലീഗ് (ഐ‌പി‌എൽ) 2023 മത്സരത്തിൽ രാജസ്ഥാൻ റോയൽസ് (ആർആർ) ഗുജറാത്ത് ടൈറ്റൻസിനെ (ജിടി) മൂന്ന് വിക്കറ്റിന് തോൽപ്പിച്ചിരുന്നു. 26 പന്തിൽ രണ്ട് ഫോറും അഞ്ച് സിക്സും സഹിതം 56 റൺസുമായി പുറത്താകാതെ നിന്ന ഹെറ്റ്മെയർ ആയിരുന്നു കളിയിലെ ഹീറോ.
2021-ൽ ഫൈനൽ ഉൾപ്പെടെ മൂന്ന് മത്സരങ്ങളിൽ രാജസ്താനെ തോൽപ്പിച്ച ഗുജറാത്തിനെ കീഴടക്കിയതിൽ സന്തോഷം ഉണ്ട് എന്ന് ഹെറ്റ്മയർ മത്സര ശേഷം പറഞ്ഞു. “ഇവർക്കെതിരെ ജയിക്കാൻ ഞാൻ ശരിക്കും ആഗ്രഹിച്ചു. ഗുജറാത്തിനെ തോൽപ്പിക്കുക ആയിരുന്നു ലക്ഷ്യം. കാരണം കഴിഞ്ഞ വർഷം അവർ ഞങ്ങളെ മൂന്ന് തവണ തോൽപിച്ചു, അതിനാൽ ഇത് ശരിക്കും ഒരു ചെറിയ പ്രതികാരമായിരുന്നു.” ഹെറ്റ്മയർ പറഞ്ഞു. എട്ട് ഓവർ ശേഷിക്കെ നിങ്ങൾക്ക് 100 റൺസ് വേണം എന്ന അവസ്ഥ ആയിരുന്നു. അത്തരം സാഹചര്യത്തി ആ റണ്ണിന് അനുസരിച്ച് മനസ്സ് പ്രോഗ്രാം ചെയ്യാൻ ശ്രമിക്കുകയാണെന്നും അതാണ് തന്റെ പ്രകടനം നന്നാകുന്നത് എന്നും താരം പറഞ്ഞു.
