കൊൽക്കത്ത നൈറ്റ് റൈഡേഴ്‌സിനെ വിജയത്തിലേക്ക് എത്തിച്ച ഹർഷിത് റാണയ്ക്ക് അവസാന ഓവർ എറിയാൻ ടെൻഷൻ ഉണ്ടായിരിന്നു എന്ന് ക്യാപ്റ്റൻ ശ്രേയസ് അയ്യർ വെളിപ്പെടുത്തി. താൻ ധൈര്യം നൽകിയാണ് പേസർ ഹർഷിത് റാണയെ ശാന്തനാക്കിയത് എന്നും ശ്രേയസ് പറഞ്ഞു.
അവസാന 4 പന്തിൽ 6 മാത്രം വേണ്ടിയിരുന്ന കളി ബൗൾ ചെയ്ത് തിരിച്ചു പിടിക്കാൻ റാണയ്ക്ക് ആയിരുന്നു. മൂന്നു വിക്കറ്റുകൾ താരം സൺ റൈസേഴ്സിന് എതിരെ നേടി.
“അവസാന ഓവറിൽ എന്തും സംഭവിക്കാമെന്ന് എനിക്ക് തോന്നി, കാരണം 13 റൺസ് മാത്രമേ ആവശ്യമുണ്ടായിരുന്നുള്ളൂ, ആ നിമിഷം ഞങ്ങൾക്ക് ഏറ്റവും പരിചയസമ്പന്നനായ ബൗളർ ഇല്ലായിരുന്നു, പക്ഷേ എനിക്ക് ഹർഷിതിൽ വിശ്വാസമുണ്ടായിരുന്നു” അയ്യർ പറഞ്ഞു. .
“സത്യം പറഞ്ഞാൽ, അവൻ അവസാന ഓവർ ബൗൾ ചെയ്യാൻ വരുമ്പോൾ ഞാൻ അവൻ്റെ കണ്ണുകളിലേക്ക് നോക്കിയപ്പോൾ അവൻ അൽപ്പം ടെൻഷനിൽ ആയിരുന്നു, ഇത് നിന്റെ നിമിഷമാണ് എന്നും, ഞങ്ങൾ ഈ കളി തോറ്റാലും കുഴപ്പമില്ല എന്നുൻ ഞാൻ അവനോട് പറഞ്ഞു” ശ്രേയസ് പറയുന്നു.
