മുംബൈയുടെ നായകസ്ഥാനം രോഹിത് ശർമയെ തിരികെ ഏൽപ്പിക്കണം ർന്ന് മുൻ ഇന്ത്യൻ താരം മനോജ് തിവാരി. ഹാർദിക് പാണ്ഡ്യയുടെ നേതൃത്വത്തിൽ ഈ സീസണിലെ ആദ്യ മൂന്ന് മത്സരങ്ങളിലും മുംബൈ ഇന്ത്യൻസ് തോൽവി ഏറ്റുവാാങ്ങിയതിന് പിന്നാലെ ആണ് തിവാരിയുടെ പ്രതികരണം.
“മുംബൈയുടെ നായകസ്ഥാനം രോഹിത് ശർമ്മയ്ക്ക് തിരികെ നൽകണം. ഞാൻ മനസ്സിലാക്കുന്നത് മുംബൈ ഇന്ത്യൻസിൻ്റെ ഉടമകൾ തീരുമാനങ്ങൾ എടുക്കാൻ മടിക്കില്ല എന്നാണ്. രോഹിത് അഞ്ച് ഐപിഎൽ കിരീടങ്ങൾ നേടിയിട്ടും രോഹിതിൽ നിന്ന് നായകസ്ഥാനം എടുത്ത് ഹാർദിക് പാണ്ഡ്യയ്ക്ക് നൽകണമെന്ന് അവർ തീരുമാനിച്ചു”തിവാരി പറഞ്ഞു.
“ക്യാപ്റ്റനെ മാറ്റുന്നത് വളരെ വലിയ തീരുമാനമാണ്. ഈ സീസണിൽ അവർക്ക് ഒരു പോയിൻ്റ് പോലും നേടാനായിട്ടില്ല. ക്യാപ്റ്റൻസി എല്ലായിടത്തും പ്രധാനമാണ്, ഇത് ഭാഗ്യം മാത്രമല്ല, ക്യാപ്റ്റൻസി മികച്ചതായിരുന്നില്ല,” തിവാരി കൂട്ടിച്ചേർത്തു.
