ഐപിഎൽ പ്ലേ ഓഫിലെത്തുവാന് സാധിക്കാത്തതിൽ ഏറെ നിരാശയുണ്ടെന്ന് പറഞ്ഞ് ആര്സിബി നായകന് ഫാഫ് ഡു പ്ലെസി. വിരാട് കോഹ്ലി നേടിയ ശതകത്തിന്റെ ബലത്തിൽ 197 റൺസ് നേടിയ ആര്സിബിയെ ഗില്ലിന്റെ ശതകത്തിന്റെ ബലത്തിൽ ഗുജറാത്ത് മറികടക്കുകയായിരുന്നു.
വിരാട് കോഹ്ലിയുടേത് അവിശ്വസനീയ ഇന്നിംഗ്സായിരുന്നുവെന്നും എന്നാൽ ശുഭ്മന് ഗിൽ തന്റെ പ്രകടനത്തിലൂടെ മത്സരം തങ്ങളുടെ കൈയ്യിൽ നിന്ന് തട്ടിയെടുത്തുവെന്ന് ഫാഫ് ഡു പ്ലെസി വ്യക്തമാക്കി. തങ്ങളുടെ ബാറ്റിംഗിൽ ടൂര്ണ്ണമെന്റിലുടനീളം ടോപ് ഓര്ഡര് ബാറ്റ്സ്മാന്മാര് മികച്ച രീതിയിലാണ് ബാറ്റ് വീശിയതെന്നും എന്നാൽ മധ്യ നിരയുടെ ഭാഗത്ത് നിന്ന് റൺസ് വരുന്നില്ലായിരുന്നുവെന്നും അത് ടീമിന് തിരിച്ചടിയായി എന്നും ഫാഫ് ഡു പ്ലെസി സൂചിപ്പിച്ചു.
