യു.എ.ഇയിലേക്ക് തിരിക്കുന്നതിന് മുൻപ് ചെന്നൈ സൂപ്പർ കിങ്‌സ് താരങ്ങൾക്ക് ഏർപ്പെടുത്തിയ പരിശീലനം ക്യാമ്പിൽ പങ്കെടുക്കുന്നതിന് വേണ്ടി ധോണിയടക്കമുള്ള ചെന്നൈ താരങ്ങൾ ഇന്ന് ചെന്നൈയിൽ എത്തി. ക്യാപ്റ്റൻ മഹേന്ദ്ര സിംഗ് ധോണി, സുരേഷ് റെയ്ന, ദീപക് ചഹാർ, പിയുഷ് ചൗള, കാൻ ശർമ്മ എന്നിവരാണ് ചാർട്ടേഡ് ഫ്ലൈറ്റിൽ ചെന്നൈയിൽ എത്തിയത്.
കഴിഞ്ഞ ദിവസം തന്റെ ജാർഖണ്ഡിൽ വെച്ച് കൊറോണ വൈറസ് ടെസ്റ്റ് ചെയ്യുകയും ഫലം നെഗറ്റീവ് ആവുകയും ചെയ്തതിനെ തുടർന്നാണ് ധോണി ചെന്നൈയിലേക്ക് തിരിച്ചത്. ഇന്ത്യയിൽ കൊറോണ വൈറസ് ബാധ പടർന്നതിനെ തുടർന്ന് ഇത്തവണ യു.എ.ഇയിൽ വെച്ചാണ് ഇന്ത്യൻ പ്രീമിയർ ലീഗ് നടക്കുന്നത്. സെപ്റ്റംബർ 19 മുതൽ നവംബർ 10 വരെ യു.എ.ഇയിലെ മൂന്ന് വേദികളിലായാണ് മത്സരങ്ങൾ നടക്കുക. ചെന്നൈയിൽ പരിശീലനം പൂർത്തിയാക്കിയ ചെന്നൈ സൂപ്പർ കിങ്‌സ് ഓഗസ്റ്റ് 21ന് യു.എ.ഇയിലേക്ക് തിരിക്കും. അതെ സമയം ഇന്ത്യൻ താരം രവീന്ദ്ര ജഡേജ, ഹർഭജൻ സിംഗ്, ശർഥുൽ താക്കൂർ എന്നിവർ വ്യക്തിപരമായ കാര്യങ്ങൾ കൊണ്ട് ക്യാമ്പിൽ പങ്കെടുക്കുന്നില്ല.
