ഈ സീസണിൽ മോശം പ്രകടനം ആയിരുന്നു എങ്കിലും അടുത്ത സീസണിലും ഡെൽഹി ക്യാപിറ്റൽസ് റിക്കി പോണ്ടിങിനെ വിശ്വസിക്കാൻ സാധ്യത. ഡെൽഹി ടീം ശക്തമായി തിരിച്ചുവരുമെന്നും അടുത്ത സീസണായുള്ള തയ്യാറെടുപ്പുകൾ ഇതിനകം ആരംഭിച്ചിട്ടുണ്ടെന്നും ഫ്രാഞ്ചൈസിയുടെ സഹ ഉടമ പാർത്ഥ് ജിൻഡാൽ ഇന്ന് പറഞ്ഞു. അടുത്ത സീസണിലേക്കുള്ള പണികൾ ൽഹെഡ് കോച്ച് റിക്കി പോണ്ടിംഗും ക്രിക്കറ്റ് ഡയറക്ടർ സൗരവ് ഗാംഗുലിയും ഇതിനകം ആരംഭിച്ചതായി പാർത്ത് ജിൻഡാൽ വെളിപ്പെടുത്തി.
ഈ കഴിഞ്ഞ ഐപിഎൽ സീസണ പോയിന്റ് ടേബിളിൽ ഡെൽഹി ക്യാപിറ്റൽസ് 9-ാം സ്ഥാനത്താണ് ഫിനിഷ് ചെയ്തത്. അവസാന രണ്ടു സീസണിലും ഒലേ ഓഫിൽ എത്താൻ ഡെൽഹിക്ക് ആയില്ല. എന്നാൽ ജിൻഡാലിന്റെ പ്രസ്താവന പോണ്ടിംഗിനെ ക്ലബ് പരിശീലക സ്ഥാനത്ത് നിന്ന് മാറ്റില്ല എന്ന് ഉറപ്പാക്കുന്നു.
“അടുത്ത വർഷത്തേക്കുള്ള തയ്യാറെടുപ്പുകൾ ഡെൽഹി ക്യാപിറ്റൽസ് ആരംഭിച്ചു സൗരവ് ഗാംഗുലി, റിക്കി പോണ്ടിംഗ് എന്നിവരോടൊപ്പം ഈ ഫ്രാഞ്ചൈസി ഞങ്ങൾ ആഗ്രഹിക്കുന്നിടത്തേക്ക് തിരികെയെത്താൻ കിരണും ഞാനും കഠിനമായി പരിശ്രമിക്കുകയാണെന്ന് ഞങ്ങൾ ആരാധകർക്ക് ഉറപ്പുനൽകുന്നു,” പാർത്ഥ് ജിൻഡാൽ തന്റെ ട്വീറ്റിൽ ഇന്ന് പറഞ്ഞു.
