ഐ പി എൽ (ഇന്ത്യൻ പ്രീമിയർ ലീഗ്) 2024 ൻ്റെ 17-ാം പതിപ്പിന്റെ ഫൈനൽ ചെന്നൈയിൽ നടക്കും എന്ന് റിപ്പോർട്ടുകൾ. ചെന്നൈയിലെ എംഎ ചിദംബരം സ്റ്റേഡിയം ഐപിഎൽ 2024 ൻ്റെ ഫൈനലിനും ഒപ്പം ഒരു ക്വാളിഫയർ മത്സരത്തിനും ആതിഥേയത്വം വഹിക്കും എന്നാണ് റിപ്പോർട്ട് വരുന്നത്. ഈ സീസൺ ഉദ്ഘാടനവും ചെന്നൈയിൽ വെച്ചായിരുന്നു നടന്നത്.
അഹമ്മദാബാദിലെ നരേന്ദ്ര മോദി സ്റ്റേഡിയം ഫൈനലിന് വേദിയാകും എന്നായിരുന്നു ആദ്യം വാർത്തകൾ. കഴിഞ്ഞ സീസണിൽ അഹമ്മദബാദിൽ ആയിരുന്നു ഐ പി എൽ ഫൈനൽ നടന്നത്. നരേന്ദ്ര മോദി സ്റ്റേഡിയത്തിൽ വെച്ച് ഇത്തവണത്തെ ഒരു ക്വാളിഫയറും ഒരു എലിമിനേറ്ററും നടക്കും.
