തിരിച്ചടിച്ച് ന്യൂസിലാൻഡ്, ഇന്ത്യ ജയം കൈവിടുന്നു

ന്യൂസിലാൻഡിനെതിരായ ഒന്നാം ക്രിക്കറ്റ് ടെസ്റ്റിന്റെ അവസാന ദിവസത്തെ ആദ്യ സെഷനിൽ മികച്ച പ്രകടനവുമായി ന്യൂസിലാൻഡ്. അവസാന ദിവസം 1 വിക്കറ്റ് നഷ്ടത്തിൽ 4 റൺസ് എന്ന നിലയിൽ ബാറ്റിംഗ് ആരംഭിച്ച ന്യൂസിലാൻഡ് ലഞ്ചിന് പിരിയുമ്പോൾ 1 വിക്കറ്റ് നഷ്ടത്തിൽ 79 റൺസ് എടുത്തിട്ടുണ്ട്. 35 റൺസുമായി ടോം ലാതമും 36 റൺസുമായി വില്യം സോമർവില്ലെയുമാണ് ക്രീസിൽ ഉള്ളത്.

അവസാന ദിവസം രണ്ട് സെഷനുകൾ ബാക്കി നിൽക്കെ ന്യൂസിലാൻഡിനു ജയിക്കാൻ 205 റൺസ് കൂടി വേണം. ഇന്ന് ആദ്യ സെഷനിൽ 31 ഓവർ എറിഞ്ഞിട്ടും ന്യൂസിലാൻഡിന്റെ ഒരു വിക്കറ്റ് പോലും വീഴ്ത്താൻ ഇന്ത്യക്കായില്ല. ഇന്ത്യൻ ബൗളർമാരെ ക്ഷമയോടെ നേരിട്ട ലാതമും സോമർവില്ലെയും കൂടുതൽ നഷ്ട്ടങ്ങൾ ഇല്ലാതെ ന്യൂസിലാൻഡ് സ്കോർ ഉയർത്തുകയായിരുന്നു.