9 വർഷത്തിന് ശേഷം ഐ.സി.സി ടൂർണമെന്റിൽ ഗ്രൂപ്പ് ഘട്ടം കടക്കാതെ ഇന്ത്യ പുറത്ത്

India

9 വർഷത്തെ ഇടവേളക്ക് ശേഷം ഐ.സി.സി ടൂർണമെന്റിന്റെ ഗ്രൂപ്പ് ഘട്ടം കടക്കാതെ ഇന്ത്യ പുറത്ത്. ടി20 ലോകകപ്പിൽ ന്യൂസിലാൻഡ് അഫ്ഗാനിസ്ഥാനെതിരെ ജയം സ്വന്തമാക്കിയതോടെയാണ് ഇന്ത്യ സെമി കാണാതെ പുറത്തായത്. അഫ്ഗാനിസ്ഥാനെതിരെ ന്യൂസിലാൻഡ് 8 വിക്കറ്റിന്റെ ജയമാണ് സ്വന്തമാക്കിയത്. 2012ൽ ശ്രീലങ്കയിൽ വെച്ച് നടന്ന ടി20 ലോകകപ്പിലാണ് ഇന്ത്യ ഐ.സി.സി ടൂർണമെന്റിന്റെ ഗ്രൂപ്പ് ഘട്ടത്തിൽ അവസാനമായി പുറത്തായത്.

ടൂർണമെന്റിലെ ആദ്യ മത്സരത്തിൽ പാകിസ്താനോട് 10 വിക്കറ്റിന് പരാജയപ്പെട്ട ഇന്ത്യ രണ്ടാം മത്സരത്തിൽ ന്യൂസിലാൻഡിനോടും 8 വിക്കറ്റിന് പരാജയപ്പെട്ടിരുന്നു. തുടർന്നുള്ള മത്സരങ്ങളിൽ അഫ്ഗാനിസ്ഥാനെയും സ്കോട്ലാൻഡിനെയും മികച്ച നെറ്റ് റൺ റേറ്റോടെ തോൽപിച്ചെങ്കിലും അഫ്ഗാനിസ്ഥാൻ ന്യൂസിലാൻഡിനോട് പരാജയപ്പെട്ടതോടെ ഇന്ത്യയുടെ സെമി സാധ്യത ഇല്ലാതെയാവുകയായിരുന്നു. പാകിസ്ഥാൻ, ഇംഗ്ലണ്ട്, ഓസ്ട്രേലിയ, ന്യൂസിലാൻഡ് എന്നീ ടീമുകളാണ് ടി20 ലോകകപ്പിന്റെ സെമി ഉറപ്പിച്ചത്.

Previous articleഅവസാന ഏഴു മത്സരങ്ങളിൽ ഒരു ജയം മാത്രം, റോമയിൽ ജോസെ പതറുന്നു
Next articleഫോം തുടര്‍ന്ന് പാക്കിസ്ഥാന്‍ ബാറ്റ്സ്മാന്മാര്‍, 18 പന്തിൽ 54 റൺസ് നേടി ഷൊയ്ബ് മാലിക്