വെസ്റ്റിൻഡീസിനെതിരായ രണ്ടാം ടി20യിൽ ഇന്ത്യക്ക് മികച്ച സ്കോർ. ടോസ് നഷ്ട്ടപ്പെട്ട് ആദ്യം ബാറ്റ് ചെയ്യാനിറങ്ങിയ ഇന്ത്യ 20 ഓവറിൽ 7 വിക്കറ്റ് നഷ്ടത്തിൽ 170 റൺസ് എടുക്കുകയായിരുന്നു. ഇന്റർനാഷണൽ ക്രിക്കറ്റിൽ തന്റെ കന്നി അർദ്ധ സെഞ്ചുറി നേടിയ ശിവം ദുബെയുടെ പ്രകടനമാണ് ഇന്ത്യൻ ഇന്നിങ്സിന് കരുത്തായത്.
അവസാന ഓവറുകളിൽ ഇന്ത്യൻ ബാറ്റിംഗ് നിരയെ സമർത്ഥമായി പ്രതിരോധിച്ച വെസ്റ്റിൻഡീസ് ബൗളിംഗ് നിര ഇന്ത്യയെ 170 റൺസിൽ ഒതുക്കുകയായിരുന്നു. ഒരു ഘട്ടത്തിൽ ഇന്ത്യൻ 200 റൺസിന് അടുത്ത് എത്തുമെന്ന് തോന്നിച്ചെങ്കിലും അവസാന ഓവറുകളിൽ പ്രതീക്ഷിച്ച റൺ നേടാൻ ഇന്ത്യക്കായില്ല. ഇന്ത്യക്ക് വേണ്ടി ശിവം ദുബെ 30 പന്തിൽ 54 റൺസ് എടുത്തപ്പോൾ റിഷഭ് പന്ത് 33 റൺസും വിരാട് കോഹ്‌ലി 19 റൺസുമെടുത്ത് പുറത്തായി. വെസ്റ്റിൻഡീസിന് വേണ്ടി വില്യംസും വാൽഷും രണ്ട് വിക്കറ്റ് വീതം വീഴ്ത്തി.
