മറ്റു ടെസ്റ്റ് രാജ്യങ്ങളില്‍ പലരും ചെയ്യുന്നത് പോലെ ടെസ്റ്റിനു ഒരു ദിവസം മുമ്പ് അവസാന 12 അംഗ ടീമിനെ പ്രഖ്യാപിക്കുന്ന കീഴ്‍വഴക്കം ആരംഭിച്ച് ഇന്ത്യ. പുറത്ത് വരുന്ന റിപ്പോര്‍ട്ടുകള്‍ പ്രകാരം രാജ്കോട്ട് ടെസ്റ്റിനുള്ള 12 അംഗ ടീമിന്റെ ഇന്ത്യ പ്രഖ്യാപിച്ചുവെന്നാണ് അറിയുന്നത്. 12ാമനായി ശര്‍ദ്ധുല്‍ താക്കൂറിനെ പ്രഖ്യാപിച്ച ഇന്ത്യന്‍ നിരയില്‍ പൃഥ്വി ഷാ തന്റെ ടെസ്റ്റ് അരങ്ങേറ്റം നടത്തുമെന്ന് പറയപ്പെടുന്നു.
കഴിഞ്ഞ ടെസ്റ്റ് കളിച്ച ഹനുമ വിഹാരി 12 അംഗ സംഘത്തില്‍ നിന്ന് പുറത്ത് പോകുന്നു എന്നത് ശ്രദ്ധേയമാണ്. ഇംഗ്ലണ്ടില്‍ ലഭിച്ച അവസരത്തില്‍ നിന്ന് താരം അര്‍ദ്ധ ശതകം നേടിയിരുന്നുവെങ്കിലും വിന്‍ഡീസിനെതിരെ താരത്തിനു അവസരമില്ല. അശ്വിനും രവീന്ദ്ര ജഡേജയും കുല്‍ദീപും സ്പിന്നര്‍മാരായി കളിക്കുമെന്നും അറിയുന്നു.
