ആദ്യ ടി20യിൽ ഇന്ത്യൻ വനിതകൾ ദക്ഷിണാഫ്രിക്കയോട് തോറ്റു. 12 റൺസിന്റെ പരാജയമാണ് ഇന്ത്യ ഇന്ന് വഴങ്ങിയത്. ഇന്ന് ആദ്യം ബാറ്റു ചെയ്ത ദക്ഷിണാഫ്രിക്ക 20 ഓവറിൽ 189-4 എന്ന മികച്ച സ്കോർ ഉയർത്തിയിരുന്നു. 81 റൺസ് എടുത്ത തസ്മിൻ ബ്രിറ്റ്സും 57 റൺസ് എടുത്ത മരിസനെ കാപ്പും ആണ് ദക്ഷിണാഫ്രിക്കയെ മികച്ച സ്കോറിൽ എത്തിച്ചത്.
മറുപടി ബാറ്റിങിനായി ഇറങ്ങിയ ഇന്ത്യക്ക് ആയി സ്മൃതി മന്ദാനയും ജമീമ റോഡ്രിഗസും തിളങ്ങി എങ്ങിലും തുടക്കത്തിൽ റൺ റേറ്റ് ഉയർത്താൻ ആകാതിരുന്നത് തിരിച്ചടിയായി. സ്മൃതി 46 റൺസ് എടുത്ത് പുറത്തായി. ജമീമ റോഡ്രിഗസ് 53 റൺസുമായി പുറത്താകാതെ നിന്നു എങ്കിലും വിജയത്തിലേക്ക് എത്തിക്കാൻ ആയില്ല. 20 ഓവറിൽ 177-4 സ്ന്ന സ്കോറിലാണ് ഇന്ത്യ കളി അവസാനിപ്പിച്ചത്. ഇനി രണ്ട് ടി20 മത്സരങ്ങൾ കൂടെ ഇന്ത്യ ദക്ഷിണാഫ്രിക്കയോട് കളിക്കും.
