സിംബാ‍ബ്‍വേയ്ക്കെതിരെ രണ്ടാം ടെസ്റ്റിന്റെ ആദ്യ സെഷനില്‍ അഫ്ഗാനിസ്ഥാന് രണ്ട് വിക്കറ്റ് നഷ്ടം. രണ്ടാം ഓവറില്‍ തന്നെ ജാവേദ് അഹമ്മദിയെ(4) നഷ്ടമായ ടീമിനെ ഇബ്രാഹിം സദ്രാനും റഹ്മത് ഷായും ചേര്‍ന്നാണ് മുന്നോട്ട് നയിച്ചത്. 50 റണ്‍സാണ് രണ്ടാം ഇന്നിംഗ്സില്‍ ഇരുവരും ചേര്‍ന്ന് നേടിയത്.
23 റണ്‍സ് നേടിയ റഹ്മത് ഷാ റണ്ണൗട്ട് ആയത് അഫ്ഗാനിസ്ഥാന് തിരിച്ചടിയായെങ്കിലും ഇബ്രാഹിം സദ്രാനും ഹസ്മത്തുള്ള ഷഹീദിയും ചേര്‍ന്ന് ടീമിനെ ആദ്യ സെഷനില്‍ കൂടുതല്‍ വിക്കറ്റ് നഷ്ടമില്ലാതെ 83 റണ്‍സിലേക്ക് നയിച്ചു. സദ്രാന്‍ 43 റണ്‍സും ഷഹീദി 12 റണ്‍സുമാണ് നേടിയിട്ടുള്ളത്. 27 റണ്‍സാണ് ഈ കൂട്ടുകെട്ട് നേടിയത്.
