വീണ്ടുമൊരു റെക്കോർഡ് കൂടെ പഴങ്കഥയാക്കി രോഹിത്ത് ശർമ്മ. ഓപ്പണർ എന്ന നിലക്ക് 7000 റൺസുകൾ എന്ന നാഴികകല്ല് മറികടന്നു ഹിറ്റ്മാൻ. ഈ നേട്ടം സ്വന്തമാക്കുന്ന നാലാമത്തെ ഇന്ത്യൻ താരം കൂടെയാണ് രോഹിത്ത് ശർമ്മ. 137 ഇന്നിംഗ്സുകൾ കൊണ്ടാണ് 7000 റൺസ് ഹിറ്റ്മാൻ നേടിയത്. ഒരു ഓപ്പണറുടെ ഏറ്റവും വേഗതയേറിയ 7000 റൺസുകളാണിത്.
ഇതിനു മുൻപ് ഹാഷിം ആംലയായിരുന്നു ഈ റെക്കോർഡിനുടമ. 147 ഇന്നിംഗ്സുകളിൽ നിന്നാണ് അദ്ദേഹം 7000 റൺസ് നേടിയത്. ആംലക്ക്‌ മുൻപേ ഈ റെക്കോർഡ് സച്ചിന്റെ പേരിലായിരുന്നു. 160 ഇന്നിങ്‌സുകള്‍ കൊണ്ടാണ് ഇന്ത്യൻ ഇതിഹാസം സച്ചിൻ ഏകദിന ഓപ്പണറെന്ന നിലയ്ക്ക് 7000 റണ്‍സ് നേടിയത്. സച്ചിൻ പുറമേ ഗാംഗുലി, സേവാഗ് എന്നിവരും ഓപ്പണർ എന്ന നിലക്ക് 7000 റൺസ് നേടിയിട്ടുണ്ട്.
