ദക്ഷിണാഫ്രിക്കയ്ക്കെതിരെയുള്ള ആദ്യ ടെസ്റ്റിൽ ജോഷ് ഹാസൽവുഡ് കളിക്കില്ലെന്ന് അറിയിച്ച് ഓസ്ട്രേലിയ. വെസ്റ്റിന്‍ഡീസിനെതിരെയുള്ള ടെസ്റ്റ് പരമ്പരയ്ക്കിടെയാണ് താരത്തിന് പരിക്കേറ്റത്. തുടര്‍ന്ന് താരം പരമ്പരയിലെ രണ്ടാം ടെസ്റ്റിൽ കളിച്ചിരുന്നില്ല. പരമ്പര ഓസ്ട്രേലിയ ആധികാരികമായി വിജയിച്ചുവെങ്കിലും ദക്ഷിണാഫ്രിക്കയ്ക്കെതിരെ ഗാബയിൽ നടക്കുന്ന ആദ്യ ടെസ്റ്റിലും ഹാസൽവുഡിന് കളിക്കാനാകില്ലെന്നത് ഓസ്ട്രേലിയയ്ക്ക് വലിയ തിരിച്ചടിയാണ്.
പരമ്പരയിലെ മറ്റു മത്സരങ്ങളിൽ താരം കളിക്കുമോ എന്നതിലും വ്യക്തതയില്ല. അതേ സമയം ഓസ്ട്രേലിയന്‍ ടെസ്റ്റ് നായകന്‍ പാറ്റ് കമ്മിന്‍സ് ഗാബയിൽ പരിക്ക് മാറി തിരികെ എത്തുമെന്നാണ് ഓസ്ട്രേലിയന്‍ ചീഫ് സെലക്ടര്‍ ജോര്‍ജ്ജ് ബെയിലി പ്രതീക്ഷിക്കുന്നത്.
